17/03/2015

UN ECLIPSE DE SOL DESPIDE O INVERNO E DA PASO A PRIMAVERA



O próximo venres 20 de marzo ás 9.04 hora peninsular o bordo da lúa irase adentrando no disco solar provocando o comenzó dun eclipse solar. A máxima intensidade chegará unha hora máis tarde e irá diminuíndo ata o seu fin ás 11.18 horas.
O eclipse será total aínda que só se poderá ver nas illas Feroe ou illas Faroe ("illas de cordeiros"), arquipélago no Atlántico Norte entre Escocia, Noruega e Islandia. Estas illas son un país autónomo do Reino de Dinamarca pero non pertencen a Unión Europea.



 
Tamén se poderán ver no arquipélago Svalbard, situado no oceáno Glaciar Ártico, ao Norte do continente europeo, que forma parte do Reino de Noruega.




Non haberá outro eclipse total ata o 12 de agosto de 2026 ou o 2 de agosto de 2027.

En Galicia só se poderá ver de xeito parcial (80%).
 Para observalo podedes ir ao Vao, en Coruxo, a partir das 9 da mañá, onde se colocarán telescopios, prismáticos con filtros solares e gafas especiais. Tamén a Praza do Rei será un lugar óptimo para visualizalo.

Recordade que non se debe observar o eclipse sen tomar as debidas precaucións xa que pode provocar graves lesións oculares. Recoméndase empregar filtros Mylar ou cristais de soldadura con alto factor de protección.









06/03/2015

DOROTHY CANFIELD FISHER. "A APRENDIZAXE DE BETSY".



Dorothy Canfield Fisher pese a ser unha escritora de renome na súa época é, hoxe en día, unha gran descoñecida. No afán de dar a coñecer a labor da escritora a editorial Triqueta Verde recupera un dos seus grandes éxitos ao editar, traducido ao galego, A aprendizaxe de Betsy. 


A escritora Dorothy Canfiel Fisher apoiou firmemente os dereitos das mulleres, a igualdade racial e a educación. Foi doutora en Linguas Románicas pola universidade de Columbia, no ano 1904, un feito inusual para unha muller da súa xeración. 
Co libro A aprendizaxe de Betsy intenta introducir o método Montessori en América.
O Equipo  de Dinamización da Lingua Galega recomenda este libro para ler en familia.

Sobre o conto: 

O libro comenza coa historia de Elizabeth Ann, unha nena de 9 anos, que vive coa súa tía na cidade. Despois dun acontecemento inesperado a nena ten que ir vivir cuns parentes a unha granxa en Vermont. Na súa nova vida rural Elizabeth Ann acaba por converterse en Betsy, unha rapaza que aprende a facer as cousas por si mesma.


DÍA DA MULLER TRABALLADORA 8 DE MARZO



Un 8 de marzo de 1857, un grupo de obreiras do téxtil tomou a decisión de saír ás rúas de Nova York para protestar polas duras condicións de traballo. A partir dese momento sucedéronse distintos movementos reivindicando as melloras no traballo das mulleres. O 5 de marzo de 1908, na mesma cidade, un grupo de traballadoras reclamaba a igualdade salarial cos homes, a diminución da xornada de traballo e o dereito ao descanso dominical. Non se aceptaron as súas reivindicacións e procedeuse a pechar as portas da fábrica, prendéndolle lume. Morreron 129 mulleres.

En 1910, durante a Segunda Conferencia Internacional de Mulleres celebrada en Copenhague (Dinamarca), máis de cen mulleres decidiron declarar o 8 de marzo como Día Internacional da Muller Traballadora.

En España, o rei Afonso XIII autorizou, mediante unha Real Orde, que as mulleres españolas puidesen realizar estudos superiores pouco despois de que Emilia Pardo Bazán fose nomeada conselleira de Instrucción Pública.

No ano 2015 celébrase o vixésimo aniversario da Declaración de Pekín, un plan histórico asinado por 189 gobernos hai 20 anos para materializar os dereitos das mulleres:
“O lema deste ano “Empoderando ás Mulleres, Emporedando á humanidade: Imaxínao!” recrea o mundo en que cada muller e cada nena poden tomar as súas decisións tales como: participar en política, educarse, vivir en sociedade sen violencia e sen discriminación”.