4 de out. de 2017

PARABÉNS A ANTONIO GARCÍA TEIJEIRO

Antonio García Teijeiro ten visitado en varias ocasións o CEIP García Barbón para compartir connosco algunhas das súas obras.  Así no mes de febreiro estivo  falándonos do seu libro " Poema o mar" e , acompañados del, xogamos cos seus versos e desfrutamos da súa poesía.
Dende a comunidade educativa do noso cole queremos felicitalo por este premio que supón un recoñecemento á súa obra e traxectoria. Parabéns Antonio!

25 de set. de 2017

INGRESO NA RAG DE CHUS PATO

O domingo 24 de setembro tivo lugar o discurso de ingreso na RAG dun novo membro: Chus Pato. A continuación deixamos un enlace á noticia publicada no xornal " Faro de Vigo".


OBRADOIRO DE IMPROVISACIÓN TEATRAL

O Concello de Vigo promove diversas actividades que teñen como finalidade, entre outras, fomentar o emprego da lingua galega. Hoxe deixamos aquí unha destas iniciativas que nos parece moi interesante: Obradoiro de teatro. Está destinado a persoas que teñan 18 ou máis anos. Animádevos!

8 de xuño de 2017

REFRANEIRO DO MES DE XUÑO

Paseniño a paseniño fixemos o camiño! Pouco a pouco fixemos un percorrido polo refraneiro galego relacionándoo cos diversos meses do curso escolar. Esta recopilación é un traballo realizado de xeito voluntario polo alumnado de 5º B que quixo participar no reto de recoller a sabiduría popular galega. Seguramente moitos de vós coñecedes a maioría dos refráns que aquí aparecen pero, case seguro tamén, que aprendestes algún descoñecido . Grazas ao alumnado participante e tamén aos lectores. Ata o curso que vén!

28 de maio de 2017

CONCURSO LITERARIO NO CEIP GARCÍA BARBÓN

Os días 24 e 25 de maio foi a entrega de premios do concurso literario organizado polo equipo da biblioteca e no que tamén colaborou este equipo. Este ano o concurso tiña presente a Carlos Casares e, así as historias elaboradas polo alumnado de 3º e 4º debían iniciarse cunha frase do libro " O can Rin e o lobo Crispín" e a categoría dos maiores iniciabase cunha frase da obra " O galo de Antioquía". Deixámosvos unhas fotos dos gañadores, mostrando satisfeitos os seus cheques canxeables por libros en galego nunha librería da cidade. Noraboa aos gañadores! 
GRAZAS a todos os participantes!


Premiados no concurso literario do ano 2017 on PhotoPeach

17 de maio de 2017

COÑECEMOS ASPECTOS DA CULTURA GALEGA A TRAVÉS DA MÚSICA

O alumnado de 4º de Educación Primaria empezou a semana das Letras Galegas coñecendo diferentes instrumentos musicais da man de Tere Santamaría, compoñente do grupo SonDeSeu (trátase dunha das primeiras orquestras europeas de música folk contemporánea, que naceu en Vigo no ano 2001).
Da man de Tere comprobamos como se pode facer música co noso propio corpo. Unha boa parte do alumnado tocou unha xota dando palmadas nas pernas, no peito e unha palmada final seguindo o ritmo marcado pola nosa invitada. O máis sorprendente da actividade é que se repetíamos interiormente “ Ana come pan” ao tempo que facíamos as palmadas era moi sinxelo seguila!
Tamén nos amosou como tocar unha muiñeira con instrumentos pobres coma o morteiro de madeira, ou coas tarrañolas de madeira ( explicounos que antes se empregaban as costelas de porco en lugar das tarrañolas).
Durante a sesión cantounos unha xota, acompañada pola pandeireta, recollida da tradición oral en Vilar de Cabeiras na zona de Arbo . O alumnado de 4º facíamos os coros cantando o retrouso da peza musical.
Nesta sesión tivemos un achegamento á cultura musical galega da man de Tere,  coñecemos como a nosa cultura musical é moi semellante á cultura musical irlandesa e comprobamos qué fácil é vivir a música cando nola explica unha persoa que a vive e a disfruta plenamente.

Grazas pola túa colaboración desinteresada e polo teu entusiasmo nas explicacións!
A cultura musical galega on PhotoPeach

8 de maio de 2017

CARLOS CASARES

Unhas das actividades realizadas no colexio para coñecer ao autor homenaxeado este ano no Día das Letras Galegas é a que se presenta a continuación. Trátase dunha animación realizada a partir do conto da Galiña Azul. O traballo realizouno o alumnado de dous grupos do cole ( 5º A de Educación Infantil e 4º A de Educación Primaria) xunto coas súas titoras. Grazas a todos eles por compartir o seu traballo! E NORABOA polo ben que lles quedou!

18 de abr. de 2017

REFRANEIRO DO MES DE ABRIL

Aínda que transcurrida xa algo máis da metade, aquí vos deixamos o refraneiro correspondente a este mes de abril.


PROPOSTA DE ACTIVIDADES

Dende a Concellaría de Normalización Lingüística do Concello de Vigo organízanse diferentes actividades de dinamización da lingua galega. Deixámosvos aquí algunhas delas por se foran do voso interese.



12 de mar. de 2017

REFRANEIRO DO MES DE MARZO

Aínda que con algo de retraso aquí vos deixamos unha ampla mostra do refraneiro que coñecemos en galego sobre o mes de marzo. Agardamos que vos resulten interesantes.



22 de feb. de 2017

MANDADO PARA ANTES DO VENRES DE ENTROIDO

O xoves é o día previo ao noso desfile de Entroido e, polo tanto, o último día do mandado do Meco. Aquí vos deixamos pois o seu último desexo por este ano!


21 de feb. de 2017

TORIBIO VOLVE AO COLE

O xoves 16 de febreiro presentouse ao público a reedición da colección infantil de Toribio. Esta colección composta por cinco libros foi escrita por Carlos Casares, autor homenaxeado este ano con motivo das Letras Galegas.
A presentación da obra, editada de novo, fíxose na biblioteca do CEIP García Barbón. Ao acto acudimos os alumnos e alumnas de 2º de Educación Primaria e, que ben o pasamos co contacontos sobre o protagonista!


Toribio no García Barbón on PhotoPeach

Á METADE DA SEMANA, O MECO DI:

Deixamos hoxe aquí o mandado do Señor Meco para o mércores.


17 de feb. de 2017

ACHÉGASE O ENTROIDO

A vindeira semana entramos na semana do Entroido, durante a mesma estaremos ben atentos aos mandados do Meco que, día a día nos irá anunciando como debemos vir ao cole durante os días previos ao desfile do venres 24. Estade ben atentos !
Aquí queda o mandado do luns 20:

PRESENTACIÓN DA REEDICIÓN DE TORIBIO NO NOSO COLE

A Editorial Galaxia ven de presentar a reedición da colección de contos e aventuras de Toribio escrita por Carlos Casares, autor homenaxeado este ano con motivo do Día das Letras Galegas. O alumnado de 2º disfrutou un montón do acto que se celebrou na biblioteca do CEIP García Barbón.
Grazas Galaxia pola reedición dos contos e polo momento de diversión co contacontos!






14 de feb. de 2017

ESCOLARES DE VINTE CENTROS DE VIGO ENTREVISTAN EN DIRECTO A IAGO ASPAS

O luns 13 de febreiro ten lugar no Auditorio Mar de Vigo un encontro de mil douscentos escolares co xogador do RC Celta de Vigo, Iago Aspas. 
O acto enmárcase dento do proxecto escolar promovido polo xornal e no que participa, entre outros o CEIP García Barbón.
A continuación queda un enlace á publicación no xornal Faro de Vigo para que poidades ver o resultado da entrevista. 




11 de feb. de 2017

ENCONTRO POÉTICO CON ANTONIO GARCÍA TEIJEIRO

Antonio García Teijeiro visita o CEIP García Barbón e mantén un encontro poético co alumnado de 4º e 6º do centro. Todos xuntos, baixo a batuta-lápis do entrañable escritor e poeta, recitamos versos do seu libro " Poemar o mar" , fíxonos xogar cos versos mentres captaba toda a nosa atención, escoitamos aos seus personaxes... Unha fantástica sesión de animación á lectura e de achegamento á poesía. Grazas Antonio!


Antonio García Teijeiro no CEIP García Barbón on PhotoPeach
A visita foi promovida polo xornal Faro de Vigo, dentro do proxecto " O Faro da Escola".Conta tamén coa colaboración da Editorial Xerais. Grazas a ambos patrocinadores!

8 de feb. de 2017

REFRANEIRO DO MES DE FEBREIRO

Con algo de retraso, pero xa tedes aquí un breve repaso da sabiduría popular recollida en refráns que fan mención a este mes de febreiro. 
Agardamos que sexan do voso interese!



4 de feb. de 2017

ANTONIO GARCÍA TEIJEIRO NO CEIP GARCÍA BARBÓN

O martes 7 de febreiro a partires das 09.30 h. está previsto que acuda ao CEIP García Barbón o escritor vigués, Antonio García Teijeiro. Esta visita enmárcase dentro do proxecto O Faro da Escola, promovido polo xornal O Faro de Vigo e no que colabora, entre outras entidades, a Editorial Xerais.
Agardamos que o alumnado de 4º e 6º disfrute coa experiencia!

Para máis información aquí


15 de xan. de 2017

REFRANEIRO

Un grupo de alumnos e alumnas de 5º B, fixo unha recompilación de refráns deste primeiro mes do ano. O obxectivo é o de recuperar e dar a coñecer unha mostra mensual da sabiduría popular, crenzas, hábitos... que presentas os refráns. 
Estade atentos porque cada mes publicaremos o refraneiro correspondente!
Agardamos que vos guste.


14 de nov. de 2016

SEGURIDADE NA REDE

Dende o Concello de Vigo comunícannos a realización desta actividade no MARCO. Nun momento no que o emprego da rede é cada vez maior, non está de máis facer unha parada e prestar atención ás recomendacións que os expertos nos ofrecen sobre a seguridade no uso da mesma. 


10 de nov. de 2016

HI,HI,HI...O SAMAÍN ESTÁ AQUÍ!

Un ano máis celebramos o Samaín no CEIP García Barbón, noutros sitios chamado Halloween , tal e como nos canta Mamá Cabra na súa canción de Samaín.
Deixamos aquí unha pequena mostra fotográfica coas moitas cabazas que chegaron ao cole. O vindeiro ano tentaremos preparar un espazo máis grande para poder expolas con máis visibilidade.
Grazas ás familias pola súa colaboración e ao  alumnado polo seu traballo e pola súa imaxinación.


Samaín no Barbón on PhotoPeach

23 de out. de 2016

ACTIVIDADES GRATUÍTAS SOBRE O SAMAÍN

A  Concellaría de Normalización Lingüística do concello de Vigo organiza varias actividades gratuítas polo Samaín. Premendo na imaxe terás acceso ao cartel coa proposta das mesmas.

 Cadro de actividades


18 de maio de 2016

ENTREGA DOS PREMIOS FARO DA ESCOLA

Nun acto multitudinario celebrado no Auditorio Mar de Vigo, Faro de Vigo entregou os premios do concurso Faro da Escola. Dez foron os colexios que participaron. Os nosos parabéns a todos os participantes.


O colexio García Barbón obtivo os seguintes premios:
Premio ao Mellor Suplemento de Infantil.
Premio á Reportaxe de Medio Ambiente.
2º Premio ao Mellor Xornal.

O Equipo de Dinamización da Lingua Galega quere reiterar o seu agradecemento:
Aos directivos de Faro de Vigo,
Juan Carlos Da Silva (director)
Isidoro Nicieza (director xeral)
Pedro Dias Da Costa (xerente)
Suso Portela (subdirector)

Aos patrocinadores do concurso e colaboradores,
Renfe, Vitrasa e FCC e Edicións Xerais de Galicia.

Aos traballadores de Faro de Vigo que, dun ou doutro xeito estiveron implicados neste gran proxecto. Sen a súa axuda, asesoramento e axuda sería imposible que o xornal Faro da Escola do García Barbón saíse adiante:

Sonia García (secretaria de dirección)
Bruno Rodríguez (xefe de sistemas)
Elías Regueira (maquetación e fotografía)
Ricardo García (xefe de produción)

16 de maio de 2016

LETRAS GALEGAS 2016: MANUEL MARÍA

A obra de teatro A Berenguela de Manuel María será representada polos alumnos de sexto de primaria no salón de usos múltiples do colexio co gallo do Día das Letras Galegas para os cursos de cuarto de primaria ata sexto, para os nenos e nenas de infantil e de primeiro ciclo a representarán coma unha obra de títeres.
A peza trata das aventuras e desventuras dunha espiña de toxo chamada Berenguela. A obra publicouse en 1979 e nela cóntase a historia das dificultades polas que pasa a espiña de toxo que representa a clase máis humilde da sociedade.
O escritor lucense Manuel María (Outeiro do Rei 1929- A Coruña 2004 ) pronuncia aos 19 anos no Círculo de Belas Artes  de Lugo a súa primeira conferencia, intégrase na tertulia luguesa do Café Mendez Nuñez invitado polo poeta Luis Pimentel posteriormente converteuse en editor da revista Xistral.
Publicou o seu primeiro poemario Muiñeiro de Brétemas en 1950. No verán de 1953 escribe a primeira redacción de Terra Chá. Da súa obra posterior cabe salientar Poemas ó outono (1977), A luz resucitada (1984), A primavera de Venus (199Brétemas de muiñeiro (2000). Tamén é autor de obras infantís e xuvenís como A Berenguela.
 

CONCURSO FARO DA ESCOLA

 
Dez colexios de Vigo participamos no concurso Faro da Escola. Representantes dos dez colexios acudimos o xoves 12 ás instalacións centrais de Faro de Vigo para visitar a rotativa de Celta de Artes Gráficas onde se imprimiron os exemplares. O concurso Faro da Escola, promovido polo decano e o Clube Faro, está patrocinado por FCC, Renfe e Vitrasa coa colaboración de Edicións Xerais.
Nesta primeira edición participaron os colexios Coutada- Beade, Chans-Bembrive, María Inmaculada-Carmelitas, Mariano, Divino Salvador de Coruxo, O Sello, Quiñones de León, Bouza Brey, Laredo Chapela e o noso colexio, o CEIP García Barbón. O vindeiro mércores 18 de maio celebrarase no Auditorio Mar de Vigo un acto no que asistiremos os representantes de todos os colexios participantes.
O Equipo de Dinamización da Lingua Galega coordinou a edición do xornal. Quixemos, deste xeito contribuir á dinamización da lingua galega no noso centro elaborando un xornal íntegramente en galego.
A valoración da participación neste proxecto realizado xunto co Faro de Vigo foi moi positiva. Cos erros lóxicos cometidos pola falta de experiencia, consideramos a iniciativa como un éxito.
Agradecer desde o EDLG a implicación dos alumnos/as á hora de elaborar as noticias, a participación dos mestres/as e, como non ao persoal de o Faro de Vigo polo tempo dedicado a este proxecto, polo asesoramento, a implicación no proxecto e por facernos partícipes desde o comezo ata o fin desta aventura.


     

30 de mar. de 2016

DÍA INTERNACIONAL DO LIBRO INFANTIL E XUVENIL DE PONTEVEDRA



DÍA INTERNACIONAL DO LIBRO INFANTIL

Era unha vez unha… Princesa. Non?
Como saberedes, o 2 de abril, para conmemorar o nacemento de Hans Christian Andersen, celébrase o Día Internacional do Libro Infantil.

Cada ano, a 
OEPLI (Organización Española para o Libro Infantil e Xuvenil) traballa para celebrar este día no maior número de lugares de toda España.

A mensaxe do cartel é da escritora Luciana Santori e ilustrador é Ziraldo .



Salón do Libro Infantil e Xuvenil de Pontevedra!

Este ano o tema do salón é CANTA BICHERÍA! Os animais son os protagonistas desta edicións: domésticos, salvaxes, polares, nocturnos, acuáticos... Formigas, osos, cans, paxaros, animais de todas as partes do mundo, de lugares coñecidos e de lugares por coñecer...

Visita este mundo fantástico da man de Extravaganzza Pérez, a personaxe creada por Ledicia Costas e que cobra vida neste Salón.

Lembra que podes visitar o Salón do 1 ao 23 de abril no
 Pazo da Cultura de Pontevedra.  

A biblioteca Luis Rei de Cambados gaña o premio estatal Biblioteca Pública y Compromiso Social 2015

A  Biblioteca Municipal de Cambados Luis Rei gañou o premio convocado pola Fundación Biblioteca Social.

O proxecto
 Canto conta Cambados!, presentado pola biblioteca, foi valorado como o mellor proxecto por, segundo o xurado, "normalizar ao usuario con discapacidade" o que "facilita a cohesión social e cidadá ao eliminar as fronteiras de destinatarios, actúa coa proximidade e a reivindicación lingüística, de forma que cultura e libro deveñen en instrumentos de pertenza, participación cidadá e transformación". Este proxecto foi o único remitido desde Galicia á segunda edición deste certame.


7 de mar. de 2016

8 de Marzo Día Internacional da Muller Traballadora




En 1880 Rosalía de Castro preguntábase ao comezo do seu libro Follas Novas

Daquelas que cantan as pombas i as flores,
Todos din que teñen alma de muller.
Pois eu que n´as canto, Virxe da Paloma,
¡ai! ¿de que as terei?





 ACCESO DE MULLERES A NIVEIS SUPERIORES DE INSTRUCCIÓN.

Un dos primeiros intentos legais de proporcionar ás nenas algún tipo de educación superior foi a creación , con Fernando VII, en 1819, dos “Reais Estudios de Dibujo e Adorno”. O seu obxectivo era principalmente económico tentando favorecer a industria lixeira en España. Os requisitos para a admisión eran :coñecemento da doutrina cristiá, saber ler e ter coñecementos dos “principos de escribir” aínda que estes dous últimos requisitos non eran indispensables.
Outra das profesións desempeñada por mulleres era a de comadroa ou parteira. Esta actividade, regulada en 1750, normalizaríase en 1804, establecendo que as matronas foran examinadas polos Reais Colexios de cirurxía nun acto teórico-práctico. As candidatas tiñan que ser viúvas ou casadas (con consentimento do home).
O maxisterio era outra das saídas profesionais. Algúns centro privados ocupábanse da súa formación así como a Escola Lancasteriana. O título obtíñano previo exame de reválida nas Escolas Normais de Mestres. Habería que esperar a 1858 para que aparecese a primeira cultura feminina co título oficial coa Escola Normal Central de Mestras.
A Lei Moyano de 1857 permite que se establezan as Escolas Normais de Mestras para mellorar a instrucción das nenas. Aínda así en 1880 non se estudaban nestas escolas nin Xeometría, nin Ciencias Naturais nin Física.
Nun Decreto de 17 de marzo de 1882 confía, case exclusivamente o ensino de párvulos, ás mulleres.
Respecto a profesión de enfermería non se consideraría como tal ata 1880 onde o Instituto Rubio, hospital docente de caridade, crearía unha escola para a súa formación.
Matricularse libremente no ensino universitario oficial, sin previa consulta á autoridade, non sería posible ata 1910.Entre os anos 1880-1890 quince mulleres conclúen os seus estudos universitarios.
Emilia Pardo Bazán convertiríase na primeira catedrática universitaria en 1916 e, co voto en contra do claustro.

Nunca é tarde


Eu tiña unha granxa en África…
Karen Blixen (Rungsted, Dinamarca, 1885-1962), tamén coñecida polo seudónimo de Isak Dinesen, foi unha escritora serodia que  publicou o seu primeiro libro –Seven Gothic Tales (1934)- case aos cincuenta anos. Posteriormente escribiría, entre outros e tamén en inglés, Out of África (1937), un relato dos anos pasados en Kenya dirixindo unha plantación de café, Winter´s Tales (1942) e Anecdotes of Destiny (1958). Publicado póstumamente no ano 1963, Ehrengard  foi o seu derradeiro libro.
O  texto de Karen Blixen, Ehrengard , é un xeito de abandonar o real, a súa carga e consecuencias para abrir o territorio dos soños. Segundo a propia autora, todas as penas pódense soportar se facemos que entren a formar parte dunha historia ou se contamos unha historia sobre elas.

Elas tamén lían, len e seguirán lendo.

Con esta galería de imaxes queremos salientar o valor do libro. Como lectoras ou como escritoras velaí vai esta galería de imaxes.